ಗೆಳೆಯರ ಬಳಗ ಶಿರ್ಲಾಲು ವತಿಯಿಂದ ಅಕ್ಟೋಬರ್ 10, 2026ರಂದು ಶಿರ್ಲಾಲು ಭಜನಾ ಮಂಡಳಿಯ ವಠಾರದಲ್ಲಿ ಆಯೋಜಿಸಲಾಗಿದ್ದ ‘ಗೆಜ್ಜೆ’ ತುಳು ಹಾಸ್ಯಮಯ ನಾಟಕದ ಕಾರ್ಯಕ್ರಮದಲ್ಲಿ ಉಳಿತಾಯವಾದ ಒಟ್ಟು ₹53,326 ಮೊತ್ತವನ್ನು ವಿವಿಧ ಧಾರ್ಮಿಕ ಹಾಗೂ ಸೇವಾ ಸಂಸ್ಥೆಗಳಿಗೆ ವಿತರಿಸಲಾಯಿತು.
ಜಾತಿ-ಧರ್ಮದ ಭೇದವಿಲ್ಲದೆ ಊರಿನ ಹಾಗೂ ಪರವೂರಿನ ದಾನಿಗಳು ತನು, ಮನ, ಧನದಿಂದ ಸಹಕಾರ ನೀಡಿದ್ದರು. ಕಾರ್ಯಕ್ರಮದ ಖರ್ಚುಗಳನ್ನು ಹೊರತುಪಡಿಸಿ ಉಳಿದ ಮೊತ್ತವನ್ನು ಸಮಾಜಮುಖಿ ಕಾರ್ಯಗಳಿಗೆ ಹಂಚಿಕೆ ಮಾಡಲಾಯಿತು.
ದೇಣಿಗೆ ವಿತರಿಸಿದ ವಿವರ:
ಅಣ್ಣಪ್ಪ ಪಂಜುರ್ಲಿ ದೈವಸ್ಥಾನ, ಕುಂಟಲ್ ಕಟ್ಟೆ — ₹15,000
ಕಿನ್ನಿಗೋಳಿ ಕಟ್ಟೆ ದೊಂಪದ ಬಲಿ ಕೋಲ — ₹10,000
ಜನಾರ್ದನ ಆಚಾರ್ಯ, ಶಿವಬೆಟ್ಟು — ₹5,000
ಶ್ರೀ ಆಂಜನೇಯ ಭಜನಾ ಮಂಡಳಿ — ₹23,326
ಈ ಮೂಲಕ ಒಟ್ಟು ₹53,326 ಮೊತ್ತವನ್ನು ವಿತರಿಸಲಾಯಿತು.
ಈ ಸಂದರ್ಭದಲ್ಲಿ ಗೆಳೆಯರ ಬಳಗ ಶಿರ್ಲಾಲಿನ ಎಲ್ಲಾ ಸದಸ್ಯರು ಉಪಸ್ಥಿತರಿದ್ದರು. ಕಾರ್ಯಕ್ರಮಕ್ಕೆ ಸಹಕಾರ ನೀಡಿದ ಊರಿನ ಹಾಗೂ ಪರವೂರಿನ ಸಮಸ್ತ ದಾನಿಗಳಿಗೆ ಗೆಳೆಯರ ಬಳಗದ ವತಿಯಿಂದ ಹೃತ್ಪೂರ್ವಕ ಧನ್ಯವಾದಗಳನ್ನು ತಿಳಿಸಲಾಯಿತು.
